Escultor Rai-San Antoniño

Son ás 9:04 e saímos da Alameda Flores, Mon, Benito, Toñete, Sergio e Rodri e nada máis chegar a San Roque entra no grupo Xavi, e así este grupo sen novidade algunha nos plantamos en Tui capital da bisbarra miñota, para encarar o primer tramo do ascenso a subida a San Antoniño ata Malvas, ao pouco de iniciar o ascenso Benito e Mon poñen un ritmo inferior aos demáis, eles van a San Antoniño directamente sen pasar polo zona do Escultor Rai, arriba en San Antoniño nos encontraremos.

O ritmo dos restantes cinco ata Malvas é constante, abandonamos esta estrada PO-340 e vamos hacia a casa do Escultor Rai, dónde aproveitamos para tirar unhas fotos que dan testemuña do noso paso.

Despois das fotos de rigor, iniciamos dende este punto o ascenso final ata San Antoniño, algo máis de dous quilómetros durísimos que nos fan poñer tódalas forzas das que dispoñemos, plato pequeno e piñón máis grande é necesario para acometer esta esixente subida, ademáis hai tramos do firme que non axudan, grava pequena que fai esvarar a roda da tracción. Flores ponse de inmediato ao fronte marcando o seu ritmo constante, algo máis atrás siguelle Sergio e o resto como podemos. Enlazamos de novo coa PO-340 xa no alto de San Antoniño dónde esperan Benito e Mon. Parada obrigatoria para comentar como lle foi a cada quen o seu particular ascenso e de paso avituallar e tamén un par de fotiños, que o día ben o merece.

Xa recuperados do esforzo, reiniciamos o percorrido sendo ás 11:00 horas da mañá. Decidimos cambiar a ruta dado que unha maioría ter que estar cedo nas súas casas, que hoxe é o día das Nais e hai que chegar puntuais. Imos entón directamente hacia Gondomar, anulando o tramo que vai por Morgadáns e Vincios, facemos o descenso ata Gondomar en menos de 10 minutos, de aquí a Ramallosa, Sabaris e Baiona, pouco antes das 11:30 estamos saíndo de Baiona hacia A Guarda. En Baredo a un km. do Rest.Rocamar, patrullas da Garda Civil de Tráfico facendo a súa labor de control; nós ao noso cumprindo co estipulado pola normativa de Seguridade Vial.

Xa estamos en Silleiro en menos dunha hora final de ruta, vamos cruzándonos cunha morea de cicloturistas, así como tamén de peregrinos camiñando polo carril ciclo-peonil, subimos o repeito de Mougás-Cabezo e logo o de Mougás subida Antenas, xusto aquí un par de ciclistas nos pasan velozmente, Flores se pica uns metros o corre detrás deles, ao final desiste e volve ao redil. En Oia hai un gran movemento de xente e coches, o Rally ascenso a Valga que se está disputando hoxe é a súa razón de ser.

Continuamos os sete magníficos cabalgando nas nosas monturas ata A Guarda a dónde chegamos sendo exactamente ás 12:26 h., hora que nos permite cumprir cos nosos compromisos familiares.

Publicado en Saídas estrada por Rodrigo Pacheco. Comentarios desactivados en Escultor Rai-San Antoniño

Salida 6 mayo 2018

 

Publicado en Sin categoría por flores. Comentarios desactivados en Salida 6 mayo 2018

San Silvestre

Non, non é a carreira de San Silvestre do 31 de decembro, pero podería parecelo pola temperatura máis ben daquela estación que do 1º de maio. O dito, unha temperatura baixa e un aire frío que pelaba, practicamente en todo o percorrido que iniciamos dende a Alameda ás 9:10 h. Flores, Toñete, Mon, Benito, Sergio e Rodri e na gasolineira de S.Roque collemos a Xavi que viña ao noso encontro.

Despois de cruzar o Miño hacia V.N.Cerveira e plantarnos en S.Pedro da Torre, collemos a dereita hacia Cerdal pola EN-201 que abandonamos aos poucos kms. collendo a esquerda pola M-511 e ao chegar a unha antiga cerámica coa súa chimenea, doblamos a dereita continuando pola mesma estrada durante uns 3 ksm. ata ver unha recta pendente e adoquinada que ten 900 m. de lonxitude, ao final da mesma hai que coller a esquerda por unha pequena baixada ata chegar a un parque de merendas a esquerda dónde de fronte hai un estanque de auga, ¿para incendios acaso?, curva a esquerda que vai ata o Convento de Nossa Senhora de Mosteiró, nós collemos a dereita ata encontrar a M509 e despois de pasar seis curvas, tres a dereita e tres a esquerda dun asfalto empichado en pedra cun desniveis que non baixan do 8% e permanentemente que oscilan entre o 10 e 14%.

Collendo a M509 a dereita continúa o mesmo tipo de firme na estrada, ascendemos durante un km. e vemos a dereita a aldea de Gondelim,  e a nosa esquerda no alto da montaña vemos impresionantes muños de enerxía eléctrica movendose ao compás do vento.

A pouco máis de 1,5 kms. de Gondelim poñemonos ao pé de San Silvestre, que ten un perfecto empichado liso e suave, aínda que case o quilómetro de ascensión ata a capela son durísimos. Ao pé da capela o gps marca 737 msnm, suficiente altura para apreciar o Corno do Bico por encima de Paredes de Coura, Nossa Senhora do Minho o Tecla, etc.

Tomamos o merecido descanso e avituallarnos despois do esforzo realizado para chegar ata aquí.


Descendemos pola M509 a través da freguesía de Taiao por unha baixada moi pronunciada, curveada e rapidísima que pronto nos pon en Valença, de aquí e pola EN13 imos por S.Pedro da Torre hacia Vilanova de Cerveira, cruzar o Miño hacia Goián e chegarnos A Guarda ás 13:00 h.

Publicado en Saídas estrada por Rodrigo Pacheco. Comentarios desactivados en San Silvestre

Salida 29 abril y 1 de mayo 2018

 

Publicado en Sin categoría por flores. Comentarios desactivados en Salida 29 abril y 1 de mayo 2018

Ruta improvisada

Sao Joao de Arga ten que esperar a outra ocasión para que pasemos por ese alto, a estas alturas do ano a preparación dos cicloturistas non parece a máis adecuada para acometer o ascenso a dito alto, a metereoloxía adversa das últimas semanas non permitiu coller a forma física adecuada, de aí o título de hoxe da entrada, improvisando sobre a marcha a ruta a seguir.

Partimos da Alameda ás 9:07 h. Flores, Sergio, Toñete, Generoso, Benito, Mon e Rodri. En Pías únese Xavi e en perfecto octeto ciclista imos cruzamos o río Miño pola Ponte da Amistade hacia Vilanova de Cerveira para subir a Candemil, a GNR ten cortado o tráfico pola rúa da Igrexa que vai a Estrada Velha, polo tanto temos que coller pola N13 e pouco máis adiante collemos outra calle que nos deixou na Estrada Velha por donde habitualmente se vai a Candemil, ésta hoxe vai ser o ascenso máis importante da ruta e marchamos agrupados, como sempre estrada N302 perfecta para pedalear tanto que se suba como se baixe, chegados a rotonda da fonte nos desviamos a esquerda pola N303 hacia a freguesía de Sapardos que a cruzamos por esa baixada serpenteante que realizamos rápidamente e a seguir ascenso corto ao Cossourado que nos leva ata San Bento da Porta Aberta, donde facemos unha parada para reagrupar e algúns aproveitan para alimentarse a pesar dos poucos kms. que levamos percorridos a esta hora.

Reiniciamos e realizamos un veloz descenso ata San Pedro da Torre donde ao final na rotonda collemos a dereita rumbo a Valença, chegados aquí collemos a esquerda na rotonda da auga, dónde estaba o semáforo que agora están preparando unha rotonda, tomamos a esquerda e baixar ata o Minho bordeando a importante e ben conservada Fortaleza de Valença, por aquí hai un par de fontes para coller auga que durante todo o ano. Chegamos a ponte vella de ferro por donde cruzamos o río, un forte ruído enriba de nós nos sorprende e o comentario casi que unánime é que ninguén lle coincidiu o paso do tren .

Xa en terreo galego nos decatamos que falta Toñete, facemos a espera a ver se o divisamos, cousa que non tarda en facer, resulta que baixou pola empedrada Avenida de España e quedou un tanto rezagado. De novo completo o octeto entramos na cidade de Tui, pasando pola Corredera decidimos ir por Ribadelouro aos pés do Aloia con continuos repeitos, desembocamos na PO-342 e en lugar de voltar xa para Tui como temos tempo suficiente, ir polo Cerquido pasando pola igrexa parroquial e centro social de Ribadelouro e cruzamos o río Louro ao seu paso por esta parroquia, chegamos ao Cerquido e viramos a dereita pola N-550 hacia Guillarei e novamente nos poñemos en Tui, que volvemos cruzar pola Corredera agora rumbo A Guarda, 27 kms. que realizamos sen ningunha novidade. No alto de Tabagón collemos a Rafa que ven de facer a súa rutiña persoal, aquí como sempre queda Xavi, pouco máis adiante Generoso toma polo Morán; Benito e Mon quedan en Pías e Sergio aquí tamén colle hacia O Rosal, ata A Guarda imos Flores, Toñete e Rodri adonde chegamos sendo ás 12:50 h.

 

Publicado en Saídas estrada por Rodrigo Pacheco. Comentarios desactivados en Ruta improvisada

Salida 22 abril 2018

 

Publicado en Sin categoría por flores. Comentarios desactivados en Salida 22 abril 2018

Salida 15 abril 2018

 

Publicado en Sin categoría por flores. Comentarios desactivados en Salida 15 abril 2018

Salida 8 abril 2018

 

Publicado en Sin categoría por flores. Comentarios desactivados en Salida 8 abril 2018

Burgueira-Vilachán-Morán-Valga

9:06 h. saímos da Alameda Flores, Alberto Gándara, Sergio, Generoso e Rodri, non había máis, para facer ruta montañosa por terras de Oia e Tomiño, así que imos pola PO-353 cruzando o barrio do Castro, Pancenteo e Marzán hacia Fornelos, aquí entramos na PO-354 que vai paralela ao río Tamuxe e pouco a pouco ir subindo metros a Burgueira, pasamos antes por Loureza cruzando o río Tamuxe e volvemos cruzalo pouco máis adiante nesa ponte en curva que marca o verdadeiro inicio da subida a Burgueira, despois de Acevedo cruzamonos con Rubén Misa que se une a nós no percorrido; aínda que o ceo está totalmente gris a temperatura está perfecta para pedalear e oír o canto da auga na caída libre das fervenzas, o Tamuxe leva un caudal abundante, unha maravilla e unha riqueza hicrolóxica.

Deixamos atrás Burgueira e continuamos ascendendo ata Bonaval, corta baixada para cruzar o regato que alimenta ao Tamuxe e volta a coller altura, a estrada serpenteante transcurre polos 350 msnm a nosa dereita aló ao Leste das prantacións de kiwis temos, o pico da Pedrada con 500 m. e ó outro lado ao Oeste o pico Lousado con 600 m., alcanzamos o punto máis alto desta primeira ascensión en Vilachán sobre os 400 msnm.

En rápido descenso por Cristelos e Barrantes achegamonos a Tomiño e despois de cruzar o río Pego, pasamos diante da igrexa parroquial de Tomiño e entrar na PO-344, ir ata Vilar de Matos e coller a dereita a PO-552 que nos leva ata Goián cun importante vento de fronte, hoxe o semáforo está en vermello así que toca parar por pouco, por detrás veñen un grupo de cicloturistas aos cales nos sumamos durante un corto traxecto, xusto ata o desvío que collemos polo Morán e de aquí ao Calvario en O Rosal, tocamos outra vez Fornelos e viramos a esquerda pola PO-353 en dirección A Guarda, pasado Novás Alberto Gándara abandona o grupo e da por rematada a saída de hoxe. Os demáis pasamos agora a inversa da primeira hora por Marzán, Pancenteo e O Castro e en A Guarda coller a dereita novamente a PO-552 hacia Oia e axudados polo vento do Sur, xa en Oia Generoso decide non facer o ascenso e regresa por donde viñemos, en A Riña deixamos a PO-552 e iniciamos o segundo ascenso do día para facer os 5 kms. que nos levan ao alto da Valga, ascenso de certa consideración pola distancia e desnivel, Rubén Misa queda un tanto rezagado a sacarse o chubasqueiro, non hai problema pola súa parte, na metade do percorrido xa alcanza a Rodri. Coronado o ascenso da Valga a 450 msnm, Flores ten presa e decide ir el só por Mavia-Santa Comba e Sergio, Rubén Misa e Rodri pola Portela e Torroña. En Torroña queda Rubén Misa que ten a súa casa a uns metros, Sergio e Rodri continúan o trazado orixinal e nun descenso rápido pasan por Burgueira para achegarse a Loureza, tras cruzar o Tamuxe dirixirse a O Rosal pasando por Acevedo e Fornelos cun forte vento Sur de cara que reduce considerablemente a velocidade de marcha. Chegados a O Rosal, Sergio da por rematado o percorrido do día e Rodri continúa ata A Guarda por Pías e San Roque, rematando na Alameda logo de percorrer 93,800 kms.

Publicado en Saídas estrada por Rodrigo Pacheco. Comentarios desactivados en Burgueira-Vilachán-Morán-Valga

Salidas 29, 30 marzo y 1 de abril 2018

 

Publicado en Sin categoría por flores. Comentarios desactivados en Salidas 29, 30 marzo y 1 de abril 2018